Það var einstaklega skemmtilegt og skapandi andrúmsloft á opinni vinnustofu þegar haldið var örnámskeið í abstrakt málun með akrýl. Þátttakendur fengu innsýn í heim óhlutbundinnar listar, prófuðu fjölbreytt efni og verkfæri og leyfðu innsæinu að leiða sig í gegnum lit, form og áferð.
Takk kæru félagsmenn sem mættuð – það var svo sannarlega gleði, leikur og litadýrð í loftinu!
Á námskeiðinu var farið yfir helstu hugmyndir abstraktlistar, frá sögulegum uppruna hennar til nútímalegra aðferða og tækni. Við skoðuðum hvernig liti, hreyfingu og óhefðbundin verkfæri má nota til að skapa áhrifarík og persónuleg verk – þar sem engin „rétt“ niðurstaða er til, aðeins upplifun og tjáning.
Þátttakendur fengu líka að spreyta sig á æfingum eins og tilfinningamálun og því að mála með óhefðbundnum aðferðum og áhöldum – allt í anda frjálsrar sköpunar og núvitundar.
Við hvetjum alla eindregið til að leika sér með abstrakt!
Þetta listform býður upp á ótrúlega frelsandi og gleðilega upplifun – hvort sem þú ert vanur listamaður eða byrjandi í leit að nýjum leiðum til tjáningar.
Við hlökkum til að sjá fleiri abstraktverk spretta fram á vinnustofunni á næstu vikum – og vonum að þetta hafi kveikt innblástur sem fylgir okkur áfram!
